Kushtet e përdorimit — Mjeshtri Im / mjeshtriim.com

1. Operatori dhe shërbimi

Platforma operohet nga Mjeshtriim com 02 SH.P.K. me numër biznesi: 812204676. Email adresa info@mjeshtriim.com. Ajo lidh qytetarët me mjeshtrit për shërbime fizike, publikim kërkesash, komunikim dhe konfirmim marrëveshjesh. Mosha minimale qe lejohet me përdore platformën 18 vjeç. Data e hyrjes në fuqi 07/10/2026

2. Llogaritë dhe miratimi

Jepni të dhëna të sakta dhe përdorni një numër që ju përket. Mos ndani kodet SMS. Mjeshtrit duhet të plotësojnë të dhënat, kategoritë dhe shërbimet e kërkuara; profili bëhet publik pas shqyrtimit nga stafi. Miratimi i profilit nuk është garanci për licencat, cilësinë ose përfundimin e një pune.

3. Rregullat e përmbajtjes dhe komunikimit

Ndalohen ngacmimi, kërcënimet, urrejtja dhe diskriminimi, përmbajtja seksuale ose shfrytëzuese, mashtrimi, imitimi i identitetit, spam-i, shkelja e privatësisë, cenimi i të drejtave të autorit dhe aktivitetet e paligjshme. Ngarkoni vetëm materiale për të cilat keni të drejta. Në foton e profilit nuk lejohen informata kontaktuese.

Kontaktet nuk shkëmbehen para konfirmimit të marrëveshjes nga të dy palët. Mos e anashkaloni këtë kufizim me numra, lidhje ose emra rrjetesh sociale. Biseda arkivohet 10 ditë pas konfirmimit nga të dy palët: nuk mund të vazhdojë komunikimi dhe historiku mbetet vetëm për administratorët e autorizuar. Kjo nuk e anulon marrëveshjen dhe nuk është fshirje e të dhënave.

4. Raportimi, bllokimi dhe moderimi

Përdorni “Raporto / Blloko” te biseda, profili ose puna në aplikacion për të sinjalizuar abuzim. Bllokimi ndalon komunikimin mes llogarive, por nuk anulon një punë ose borxh ekzistues. Përdoruesit e bllokuar menaxhohen te llogaria juaj. Raportet shqyrtohen nga stafi; për urgjenca kontaktoni autoritetet, jo vetëm raportimin në aplikacion.

Stafi mund të heqë përmbajtje që shkel rregullat dhe të kufizojë llogari pas shqyrtimit. Për kundërshtim të vendimit kontaktoni info@mjeshtriim.com. Stafi adekuat do të përgjigjet brenda 48 orësh.

5. Punët dhe pagesat

Qytetari dhe mjeshtri bien dakord drejtpërdrejt për punën, çmimin, afatin dhe mënyrën e pagesës. Mjeshtriim nuk e mbledh pagesën e punës dhe nuk lëshon faturë mes qytetarit dhe mjeshtrit.

Tarifa për platformën është 2.50 € për marrëveshjen e konfirmuar, e pagueshme nga mjeshtri. Kjo tarifë është e ndarë nga pagesa për punën.

Detyrimet ndaj platformës përmblidhen në faturën mujore, me afat pagese shtatë ditë. Në rast mospagese, administratori mund të kufizojë dërgimin e mesazheve deri në shlyerjen e detyrimit, ndërsa profili mbetet publik.

Për gabime në faturim, anulime ose kërkesa për rishikimin e tarifës, kontaktoni stafin përmes faqes Kontakti. Çdo kërkesë shqyrtohet sipas marrëveshjes dhe rrethanave të rastit.

6. Privatësia dhe mbyllja e llogarisë

Përdorimi dhe ruajtja e të dhënave shpjegohen në Politikën e privatësisë.

Mund ta kërkoni fshirjen e llogarisë përmes Llogaria ime → Fshi llogarinë dhe të dhënat, ose duke na kontaktuar përmes faqes Kontakti në mjeshtriim.com.

Kërkesat për fshirjen e llogarisë dhe çështjet e pagesave trajtohen veçmas.

7. Përgjegjësia dhe ndryshimet

Mjeshtriim mundëson lidhjen dhe komunikimin mes qytetarëve dhe mjeshtërve. Mjeshtri është përgjegjës për kryerjen e punës së pranuar, ndërsa qytetari për informacionet e dhëna dhe pagesën sipas marrëveshjes.

Për probleme me punën, palët duhet fillimisht të kërkojnë zgjidhje mes tyre. Abuzimet ose problemet me përdorimin e platformës mund t’i raportohen stafit përmes funksionit Raporto ose faqes Kontakti.

Këto kushte nuk kufizojnë të drejtat që ju takojnë sipas ligjit të zbatueshëm.

Kushtet mund të përditësohen kur ndryshojnë shërbimet e platformës. Versioni aktual dhe data e përditësimit do të shfaqen në këtë faqe.